Mitos Aji Saka
Kacritayang Raja Raksasa sané corah ring jagat Cengkar, sampun akéh pisan nadah raré. Sami panjaké jejeh ring raréné pacang katadah antuk Sang Nata.
Kacrita né mangkin, wénten reké pandita luih maparab Aji Saka, sané kalintang wikan lan welas asih, wruh ring wéda.
Sang Aji Saka madué reké parekan kekalih, maparab | Dora miwah Sambada. Sang Aji Saka jagi lunga ka Cengkarpura kairing antuk Dora. | Sambada katitahang ngemit keris idané ring pasraman, nénten pisan dados kaicén sira-sira.
Lédang pisan Ki Raja Cengkar, nerima Sang Aji Saka sané maraga pandita anom. Sang Aji Saka nyutirupa dados wang raré, nyerahang angga mangda katadah. Sakéwanten sadurung nadah, Raja Cengkar patut riin nglukar destar Sang Aji Sakané kantos telas.
Kacerita né mangkin, Raja Cengkar ngawitin nglukar destar Sang Aji Sakané. Sakémaon destar punika nénten telas-telas. Prabu Cengkerpura terus ngelodang, kantos macebur ka segarané mawinan ida lampus.
Sang Aji Saka nganikain Dora mangda ngambil pusakané sané kakemit antuk Sambada ring pasraman. Duaning sué | Dora nénten rauh, gelis Ida ngetutin Sang Dora. Kapanggih Dora miwah Sambada sampun lina magarangin keris pusaka.
No comments:
Post a Comment