Bali Asri
Om Swastyastu.
Inggih, Ida-dané sané banget wangiang titiang. Ring galahé puniki titiang jagi ngaturang pidarta sané mamurda "Bali Asri".
Ayubagia katur ring Ida Sang Hyang Widhi, duaning Ida asung ngicénin iraga karahajengan jagat.
Ida dané. Jagat Baliné sampun ketah pinaka pulau wisata budaya. Kasrian jagat Bali prasida nudut kayun para wisatawané rauh ka Bali. Kawewehin malih antuk seni budaya sané adiluhung. Punika mawinan jagat Baliné kabaos Pulo Seni Budaya, Pulo Dewata, miwah Pulo Sorga utawi swargan jagat.
Ida dané sinamian. Makasami krama Baliné patut sareng ngrajegang budaya Bali. Ngiring piara kaasrian jagaté, ngiring rajegang budaya Balineé, ngiring sareng sami mabasa Bali mangda basa Baliné tetep rajeg.
Inggih, asapunika titiang prasida matur, mogi-mogi wenten pekenohnyané. Untatin titiang antuk parama santih.
Om Santih, Santih, Santih, Om.
No comments:
Post a Comment