Ngayah
Kahuripan krama Baliné dumun, sané seneng masolah (pragina miwah magambel (juru tabuh), akéhan sané madasar konsep "Ngayah' Tegesipun, ri kala magambel sakadi Bapak Madé Mara, nénten banget ngaptiang jinah. Tios ring sané mangkin, sami mabayah.
Bapak Madé Mara ring Banjar Kerandan, Kelurahan Pamecutan, Denpasar, saking dumun oneng magambel. Dané waged pisan magambel gong lelambatan sané kanggeén ring upacara adat miwah agama. Yadiastun urip sedrana, dané tetep ngamargiang swagina pinaka panguruk gong, sapisanan dados pamangku sané setata sayaga ngayah. Yéning sampun polih ngamargiang swagina, dané sampun marasa ayubagia kadi sampun ngamolihang suargan.
Taler kabaosang, yadiastun ri kala magambel wantah polih sangu nasi miwah saté, dané tetep seneng makérti ring jagaté. Napi luir sané kabaosang antuk Bapak Madé Mara, kapatutang antuk rabinné, Ni Wayan Suarni.
No comments:
Post a Comment