Bali Wisata Budaya

Bali Wisata Budaya 

Om Swastyastu 

Matur suksma mantuk ring pangénter acara. Inggih, Ida dané sané wangiang titiang. Taler para sameton pamilet lomba pidarta sané asihin titiang. 

Pangayubagia katur ring Ida Sang Hyang Widhi Wasa, duaning sampun suéca mapaica karahayuan jagat. Ring galahé sané becik puniki, titiang jagi 

ngaturang pidarta sané mamurda "Bali Wisata Budaya". Inggih, Ida-dané sinamian. Sakadi sané ketah kauningin, rauh mangkin jagat Baliné kasub pisan rauh ka duranegari, pinaka daerah tatujon wisata. Duaning Bali ngutamayang pariwisata budaya, budaya Baliné patut kaupapira mangda tetep rajeg (/estari). 

Krama Baliné mangda tetep sida nginggilang kahuripan magotongroyong, mikukuhin wirasa sagilik-saguluk, salunglung sabayantaka gumanti prasida molihang kasukertan jagat. Ida-dané sinamian. Utsaha ngajegang budaya Bali ketah kadasarin antuk tatwa "Tri Hita Karana" minakadi parhyangan, pawongan, miwah palemahan. 

1) Parhyangan, mateges ngwangun linggih Ida Hyang Widhi minakadi 

ngamecikin genah-genah suci. 

2) Pawongan, mateges ngupapira saluir widang kahuripan minakad ekonomi, pendidikan, miwah sané lianan. 

3) Palemahan, mateges nqupapira buwana agung gumanti ngamolihang kahuripan sané sukerta santi. 

Ida-dané sinamian. Wantah asapunika titiang prasida matur. Menaw ta wenten atur titiang sané iwang, titiang nunas pangampura. Inggih, puputang titiang antuk parama santih, 

Om Santih, Santih, Santih, Om.