Cecangkitan, Raos Ngempelin, Sesawangan lan Beladbadan Bahasa Bali
Rahajeng Rauh ring web blog tiang puniki. Dumogi setate nemu rahayu. Mangkin niki wenten materi Cecangkitan, Raos Ngempelin, Sesawangan lan Beladbadan Bahasa Bali, Ngiring melajahang angga sarira pinaka jadma sane kalintang tambet ring gumine puniki.
A. Cecangkitan: lengkara sane maarti kekalih utawi lebih
Conto :
1. Yening jani nebuk padi luh-luhe tusing bisa ngindang.
artinnya :
a. Nenten wenten nakluh bisa makeber ngindang.
b. Nenten wenten nak luh sane bisa ngindang baas.
2. Yang tiang matulupan, batu tulup bolong.
artinnya :
a. Tulupe sami bolong
b. Boye batune bolong kene tulup
3. Di uma mamula jagung atebih tusing nyak mentik
artinnya :
a. Yan mamula jagung matebih-tebihan sinah tusing nyak mentik b. Jagunge tusing nyak mentik di carik atebih
4. Ia gelem entudne tusing dadi jalananga
artinnya :
a. Nenten wenten entud dadi jalanang
b. Anake gelem tusing ngidang majalan.
B. Raos Ngempelin ( dempet )
conto :
1. Ida dimantuke simpang di pura
a. Ida budal / mantuk simpang di pura
b. Ida dimana baan tukene raris simpang di pura
2. Dije palungan ida ?
a. Lunga dije mangkin ida ?
b. Palungane wadah mamahan celeng
3. Nasi di payuke sinduk daar
a. Nasi dipayuke sinduk, raris daar
b. Nasi mula dipayuke, nanging sinduke tondene naar.
4. Kema bahang awake biu di tebe
a. Ngebah biu di tebe
b. Biune mula di tebe, bahang awake di tebe.
C. Sesawangan ( serupa artinya dengan diibaratkan, diandaikan ) . Inggih punika pinaka pepindahan sane madaging pangumpaman wiadin kamelahan utawi kajelekan.
Conto :
1. Busung amputang : tayungane lemuh kadi busung amputang
2. Lunggah suahan : pusungane lunggah suahan, Meleped, teked 3. Basang katung : celuluke mbasang katung
4. Manik banyu : kuku ngeredeg kadi manik bangu
5. Bulan tumanggal : wimba ngurarit kadi bulan tumanggal
6. Tiing metung : betekan bis tiing metung.
D. Cecimpedan
Cecimpedan inggih punika wantah babaosan kanggen matebag-tebagan.
conto cecimpedan:
- ape ke anak cenik maid cacing? cawisan: jaum misi benang
- apa cekuk kajengitin? cawisan : caratan
- apake jangkrik ngecik di duur gununge? cawisan: anak macukur
- apa anak cenik ngemu getih? cawisan : klepon
- apake madaar acepok, wareg sai-sai? cawisan : galeng
- apa anak cenik matapel? cawisan : blauk
- apake anak satak maka satak matlusuk? cawisan : iga-iga
- apa anak satak maka satak maudeng putih? cawisan: bungan ambengan
- apa anak cerik maid enceh? cawisan : caratan
- apa anak cenik pantigang ngurek gumi? cawisan: gangsing
- apake anak bongkok kereng nyuun? cawisan: sendi
- apake done amun pedang buahne amun guungane? cawisan: punyan jaka
- apake bale gede matampul abesik? cawisan: pajeng
- apake cekuk baong, godot basang, pesu gending? cawisan: rebab
- apa ane negen nongos ane kategen majalan? cawisan: pancoran
- apa ane kajepes idup ane nyepes mati? cawisan: pagehan
- apake base alukun ulung seka bidang? cawisan: pusuh biu
- apake ngamah uli basang pesu uli tundun? cawisan: panyerutan
- apa don ne srining-srining buahne amun gon? cawisan: punyan jempinis
- apa don ne amun tutup, buahne amun sirah? cawisan: waluh
- apa don ne utusan, buahne aturan? cawisan : punyan ental
- apa don ne amun tlapak lima, buahne amun sigi? cawisan: base
- apa di cerikne mapusung, di kelihne magambahan? cawisan : padi
- apake awakne kulit, matane kulit, kupingne kulit, batisne kulit konyangan kulit? cawisan: wayang kulit.
No comments:
Post a Comment