Contoh Pengaksama Bahasa Bali

PANGAKSAMA 

Om Swastyastu. 

Rasa angayubagia katur ring Ida Sang Hyang Widhi Wasa, duaning majanten wantah sangkaning asung kerta nugrahan-lda, buku pakét Palajahan Basa Bali tingkat Sekolah Dasar puniki sampun prasida kapuputang. 

Sasuratan buku puniki matetujon nyiagayang materi ajah sané manut ring aab jagaté mangkin, taler manut ring katatwaning Kurikulum 2013, pinaka dasar-dasar kaweruhan nglimbakang basa miwah sastra Bali ring sekolah menengah wekasan. 

Pangrencana miwah utsaha nerbitang buku paket Palajahan Basa Bali tingkat SD puniki sampun nyinahang pikolih sané becik. Inggihan kualitas miwah tegep materinnyané, buku puniki pacang mapuara sayan seneng tur dangan para siswané malajah. 

Sajaba punika, bapak/ibu guru sampun madué gegamelan pinaka panuntun nyujur patitis indakator pangajahan Basa Bali manut silabus sané pinih anyar, pamutus workshop para guru Basa Bali ring Denpasar duk warsa 2015. 

Pikolih muputang sasuratan saha terbitnyané buku puniki nénten prasida kapasahang ring kawéntenan panuldul saha piteket sané rauh saking guru wisésa jagat Bali, sakadi: 

1. Tuntutan Pengajaran Basa Bali manut Kurikulum 2013 

2. Terbitnyané Peraturan Gubernur Bali No. 20 warsa 2013 indik pangajahan muatan lokal wajib Basa Bali | 

3. Pikobet miwah pangaptin para guru sané ngrasa méweh ngajahin yéning para siswané nénten madué buku 

4. Pikobet miwah pangaptin para penyuluh Basa Bali sané tedun ka sekolah-sekolah ngicénin tuntunan 

5. Piteket Kepala Dinas Pendidikan Provinsi Bali mangda wénten bahan ajah Basa Bali sané sayan becik 

Matur suksma ping banget pisan titiang ring sang maraga guru wisésa jagat Bali sané sampun susrusa pisan ngicénin uratian ring kawéntenan basa miwah susastra Bali pinaka akah sané patut kaupapira kanggén nyangga kawerdian budaya Bali drué. 

Ring buku puniki, para guru miwah siswa Sekolah Dasar pacang molihang tuntunan sané becik gumanti tetujon malajahin basa miwah susastra Bali prasida kawésayang. Yadiastun menawi kantun kirang paripurna, buku puniki sampun kasurat madasar teori ilmu basa lan susastra Bali saha kategepin antuk soal-soal latihan. 

Titiang patut ngangkenin mungguing daging buku puniki kantun akéh kirangipun. Antuk punika, banget titiang mapinunas, ledang arsa para guru, para penyuluh, para sujana basa lan sastra, miwah krama Bali tiosan Prasida ngicénin pawarah-warah miwah paweweh, gumanti bénjanga" Sayan paripurna. 

Om Santih, Santih, Santih, Om.